حلى الشطرنج

موضوع: حلى الشطرنج الأحد أبريل 06, 2008 2:43 pm

كيفكم بنات إن شاء الله بخير

شفت هالحلى وعجبني شكله قلت اجيبه هنا عشان اتقهوا عليه انا واخواتي الحبيبات Very Happy

ما اطول عليكم

المقادير:

كيك امريكانا بالشوكولاته المستطيل
1 قشطه
1 دريم ويب
6 كيري
1 كريم كراميل

و للوجه:

1 كريم كراميل + كاس الى كاس ونصف سفن اب

* * * *

الطريقة:

اول شي تجيبين كيك امريكانا المستطيل بالشوكولاته
و هذي صورته
حلى الشطرنج 1205974137

و تقطعينه شرائح بهذا الشكل

و بعدين تصفينه بالصينيه بشكل متساوي و مرتب بدون فتحات

خلي كل الشرائح بنفس العرض عشان يكون السطح مستوي
و بكذا خلصت الطبقة الاولى و بيكون شكلها كذا

حلى الشطرنج 1205956168

الطبقة الثانية:تخلطين في الخلاط
6 حبات كيري - 1 قشطة - 1 مغلف دريم ويب - 1 كيس كريم كراميل و هاذي صورتهم بعد ههه
حلى الشطرنج 1205934153

و تصبين الخليط بالتساوي على الكيك اللي في الصينيه بهذا الشكل:

الحين نجي للشي المميز في هذا الحلا و هو شكل الشطرنج....

تجيبين بسكوت كتاكيت مولتو تجيبين اللي بالشوكولاته و الابيض على فكره
حجمه صغير اصغر من حجم بسكوت الشاي
و هذا شكلهم من برا
حلى الشطرنج 1205981586

و تبدين ترصينهم على شكل شطرنج يعني وحده بيضاء وحده بنيه بهذا الشكل:

حلى الشطرنج 1205889460

لحد ما تصير الصينيه بهذا الشكل (انا مسويه صينيتين المقادير اللي اعطيتكم لصينيه وحده)
حلى الشطرنج 1205886198

الطبقة الاخيرة

تحطين كاس الى كاس و نصف سفن اب على النار (على حسب رغبتك تبغين
الطبقة خفيفه او اسمك)و تضيفين عليه كيس كريم كراميل و تحركينه شوي
بعدين تصبينه بحذر على الصينيه اللي راح يكون شكلها النهائي كذا
حلى الشطرنج 1205979089

وهاذي صورة ثانيه لاحظوا اللمعه من الطبقة الاخيرة

عن جد يابنات اللي مسويتها مبدعه شكلها جدا مشهي ولذيذ

وصحتيـــــن وعافيـــــه

موضوع: رد: حلى الشطرنج الأحد أبريل 06, 2008 4:22 pm

اللي عملت الطبق مبدعه

واللي نقلته لنا كمان مبدعه
مشكوووره يا الغاليه
فعلا شكله مشهي
يعطيك العافيه حبيبتي

موضوع: رد: حلى الشطرنج الأحد أبريل 06, 2008 5:01 pm

تسلمين حبيبتي الرمانه على الأطراء الطيب

وانا سعيده بأن الحلى نال على اعجابك

يعطيك العافيه على الرد